Riesgu moral

El riesgu moral ye un conceutu económicu que describe aquelles situaciones nes qu'un individuu tien información privada alrodiu de les consecuencies de les sos propies aiciones y sicasí son otres persones les que soporten les consecuencies de los riesgos asumíos. El riesgu moral infórmanos cómo los individuos asumen nes sos decisiones mayores riesgos cuando les posibles consecuencies negatives de los sos actos nun son asumíes por ellos, sinón por un terceru.^[1]

Esiste riesgu moral cuando una persona tien una mayor información alrodiu de les sos propies aiciones que'l restu de los individuos, esta situación provoca que, en casu de que sía otra la persona que soporta los costos acomuñaos a la falta d'esfuerciu o responsabilidá, los incentivos a esforciase o ser responsables tean aburuyaos. El riesgu moral amenorga la capacidá del mercáu p'asignar eficientemente el riesgu.^[1]

L'usu del términu "moral" pa describir la situación espuesta pue ser considerada errónea, por cuanto nun hai nada especialmente inmoral nel comportamientu descritu, pos los individuos reaccionen ante los sos incentivos y por tanto esclúyense males intenciones, tentatives fraudulentas, etc.^[2] El riesgu moral ye unu de los problemes aniciaos pola presencia d'información asimétrica y puede ser modelizado como un problema del axente-principal.

1. ↑ ^{1,0 1,1} Krugman, Paul R.; Wells, Robin. Introducción a la economía: Microeconomía. Editorial Reverté, páx. 449. ISBN 978-84-291-2631-0. Consultáu'l 14 d'ochobre de 2012.
2. ↑ Error de cita: La etiqueta <ref> nun ye válida; nun se conseñó testu pa les referencies nomaes nw